Tirana Photo Festival
Festival vjetor fotografie që organizohet nga DMO Albania
Tirana Photo Festival është Festivali më i madh fotografik në Shqipëri. Një festival kushtuar artit të fotografisë, motivimit dhe vlerësimit të artistëve tanë, promovimit të Shqipërisë përmes fotografisë dhe edukimit të të rinjve me artin e fotografisë. Një qëllim fisnik për të rritur krijimtarinë dhe mbështetur artin dhe kulturën e vendit tonë. Janë zhvilluar 5 edicione vjetore, ku suksesi dhe popullariteti kanë kaluar pritshmëritë tona. Tashmë me besim për suksesin e këtij eventi, kemi hapur thirrjet për Tirana Photo Festival 2023. Fotografia është hobi më popullor në Shqipëri, kryesisht mes të rinjve. Një foto vlen sa 1000 fjalë, por në kohë të vështira, një foto bën histori. Ky festival është gjithëpërfshirës, për amatorë e profesionistë, është një mundësi për gjithë ata që e duan fotografinë. Mirëpresim aplikime nga vendi dhe mbarë bota!
Konkurs fotografie
Thirrje e hapur për gjithë fotografët. Tema: #NëLëvizje. Tema përkon me njeriun në lëvizje, në punë, në sport, në naturë, në rrugë etj. Ky vit është viti europian i Sporteve, ku njerëzit duhet të levizin për të mbajtur veten të shëndetshëm dhe aktiv. Por dhe viti kur teknologjia po lëviz shumë shpejt dhe gjithcka duhet të përshtatet, punët po ndryshojnë, aktivitetet po ndryshojnë, e ardhmja është mjaft sfiduese. #NëLëvizje do të thotë që preferohen foto jo statike, por foto që të tregojnë një lëvizje, jete, aksion, veprimtari të njerëzve.
Photo series
Tirana Photo Festival 2023 mirëpret propozime nga fotografë profesionistë për programin e ekspozitave photo series. Tema “Në lëvizje ose ‘On the move”. Secili projekt duhet të ketë deri 10 foto dhe një histori për të treguar përmes atyre fotove. Projekti mund te tregojë një temë që përfshin disa faza aksioni, lëvizjeje, ndryshimi. Këtu mund të jenë dhe vende të Shqipërisë dhe ndryshimi i tyre, nga dora e njeriut ose natyra. Mund të jetë një seri fotosh të një vepre në proces dhe të përfunduar, portrete të njeriut në faza të ndryshme të jetës, progress, lëvizje, ndryshim, vijimësi e jetës së përditshme etj.
Video stories
Kjo thirrje është për video të shkurtra me drone me temën: “Në Lëvizje ose On the Move”. Droni sot është teknologjia që na sjell një pamje të panjohur të lumenjve, maleve, qyteteve, luginave. Kësaj here thirja është për përdoruesit e dronave, që të na sjellin Shqipërinë pa tregojnë pa kufij. Zona të paeksploruara, fshatra, bukuri të panjohura. Pjesa e brendshme e Shqipërisë mbetet e paeksploruar, janë vende të tëra që do të donim t’i zbulonim. Le të sjellim përmes videove një Shqipëri tjetër. Fituesi shpallet në eventin e Tirana Photo Festival 2023
Hapen Aplikimet
